2008年對我黎講都係一個好重要既年份
離開全完呢個生活左七年，建立左七年感情既地方
為高考，在自修室既發奮，發瘋，作戰既日子
諗番起，真係都仲會覺得好辛苦，不過又好似係幾開心

而考完高考，竟然又有機會番番去全完做臨時既文員仔
雖然工作都唔太辛苦，放工又準時，人工又唔差
但係當中都學到唔少既野

高考後既暑假都係去左玩樂同練水　當然啦　
考完一個咁大壓力既高考當然要放鬆心情一下嫁喇
時光好快就去到放榜　結果不如理想　也許運不夠　努力不夠
幸好的是也不是差到極點　也能讓我進入到中大這個好地方

進入中大後，有好多好新鮮既事情
校隊，院隊，崇宣，大專比賽，應林
當中，崇宣令到我對自己崇基人既身份更加肯定
識到一大班好好玩的朋友們
應林既生活更加係意想不到，因為當初真係唔會估到自己入左黎
但係入左去１個月之後就開始享受自己既宿舍生活
成為左應林仔，可能又係一件好運的事

至於二零零九年，我希望自己可以係更多方面有成長
應林可以拎番失去左一年既傅元國盃
自己可以讀好Ｄ　考多Ｄ唔同既資格　充實好自己
更享受自己既大學生活